Griet Koenes |
||
Griet Koenes, "De Heks" van Munnekezijl. Er zijn meerdere versies van haar verhaal in omloop, want ja, rond die tijd werd er nog niet zoveel geschreven... Hier één versie: |
||
"Een hane-tred dichterbij..." |
||
| 'n Hail zet leden kwam Olle Grethe oet tied, ommennoabie 1300, hol t doar mor op. Grethe kwam aigelks oet Brittania, as oppaaster van drij jonge wichter van hoge komof. Nou ja, ze ruiken mekoar kwiet en Grethe spuilde aan, meer dood as levend. n Viskeman het heur vonden, hai docht eerst dat n spouk was, mor loater is ze bie hom bleven, en hai bie heur. Ze kregen n dochter, ‘Griet’. Traauwde, kreeg kinder, was weer n ‘Grethe’ bie. Dizze Grethe was gek op Koene, n sluzenlegger ien e Lauwers. Grethe wer schiernaaister, muik ale verropte klaaier. Mor ze kon ook schier zingen, vrumde verskes van heur opoe dij van over t wotter kwam. Koene en Grethe haren n dochter, Griet. (Dou kwammen ze nog nait mit noamen as Monique, Avril of Esmeralda aandroagen…). Grethe ging dood en doar zat Koene mit zien lutje wicht, Griet. Dizze Griet wer loater Griet Koenes nuimd en wer oetmoakt veur n hekse. Munnekezielsters hebben heur min behandeld, op n kaar vastbonden en oet de gemainschp stöt. Dou ze lössneden was, het ze votdoadelk zegd: “As t getij keert, kom ik weerom en nem wroak.” Dat was mie wat… Pestoor duvels en zien hoesholderske zo baange as n (k)wezel. Mor joa, Griet Koenes haar t nait overleefd en spoukde snachts in t loug. Hou kwammen ze van heur of? Van t liek? Staarkste Wadviskerman Harke Jennes mos heur votbrengen noar zee, kon ze votdrieven. Jeminee, wat was dat? Ze dreef weerom!!! Harke Jennes ging der vandeur, mos verslag doun aan meneer pestoor, dij al net zo baange as zien hoesholderske was. Harke zee dat t nait zo slim was. “Op de kwelders komt Griet Koenes joarlieks bie de hoogste golf mor zo’n luddek èndje veuroet!” En dou was e mit baaide bainen touglieks veuroet hupt; dat wer n hoanetree nuimd! (Wat n verhoal nait…) |  |